“Real” Serxioni sotadi

“Real” iste’dodli himoyachi Serxio Regilonni sotishga qaror qildi. Madridliklar 23 yoshli futbolchini 20 million evro evaziga qo‘yib yuborishga tayyorligini bildirdi.

Avvaliga Zidan jamoasi uni ijaraga bermoqchi edi. Lekin Angliya premer-ligasining bir qator jamoalari iste’dodli himochi transferini sotib olish uchun murojaat qilganidan so‘ng, klub unga narx belgiladi.

O‘tgan mavsumni “Sevilya”da o‘tkazgan Serxio Regilon ishonchli o‘yinlari bilan qator mutaxassislar e’tiborini o‘ziga qaratdi. Futbolchi mavsumni Evropa Ligasi g‘olibi sifatida yakunladi.