“Реал” шундай зўр ўйинчидан қандай воз кечганини тушунмайман!

Англия терма жамоасининг собиқ ҳужумчиси Гари Линекер “Реал” раҳбарияти нега Мартин Эдегорни “Арсенал”га қўйиб юборганини тушунмаслигини айтди.

- Ақлим етмаяпти. Тони Кроос ва Лука Модрич тез орада жамоадан кетишини билиб туриб, “Реал” Мартин Эдигордан нега воз кечгани мени ҳайрон қолдирди. Жуда ғалати қарор. Мен Мартинни жуда истеъдодли футболчи, деб биламан, - деди Гари Линекер.

Норвегиялик ярим ҳимоячи ўсмирлик даврида “Реал” академияси “Кастилья”га олиб келинган. Лекин мадридликларнинг асосий таркибига кира олмади. Истеъдодли футболчи “Херенвен”, “Витесс”, “Арсенал”га ижарага берилди.

2021 йилнинг ёзида “Қироллик клуби” бу футболчини 35 миллион евро эвазига “Арсенал”га сотиб юборди. Эдегор айни пайтда “канонирлар”нинг ҳақиқий етакчисига айланган.