“Реал” собиқ футболчиси: “Барселона” — мафия. Бу клубда ўйнаш уят

Рафаэль ван дер Варт "Барселона"нинг ҳаракатларини қаттиқ танқид қилди.

"Пул бўлмаса, қандай қилиб бунча ўйинчиларни сотиб олиш мумкин? Менимча, бу уят. Шунингдек, ҳамма жойда табассум қилиб турадиган Лапорта ўзини қирол деб ҳисоблайди.

"Барса" Френки де Йонгга қандай муносабатда эканлигини кўрдингизми? Буни душманимга ҳам раво кўрмайман. У жуда кўп маош олади? Ҳа, тўғри, лекин унинг шартномаси бор. “Барса” — мафия ва улар жазоланиши керак.

Шу туфайли кўпчилик “Барселона”ни жуда ёмон кўради. “Барса” — ажойиб клуб, шу боис, кўпчилик футболчилар ушбу жамоада ўйнашни истаб келган. Аммо энди бундай бўлади деб ўйламайман. Буёғига кўпчилик футболчилар учун “Барселона”да ўйнаш уят”, - деди “Реал”нинг собиқ футболчиси “Ziggo Sport” нашрига берган интервьюсида.