"Real" so‘nggi daqiqalarda gol urishga "usta" bo‘lib ketyapti

Kecha “Real” La Liganing 5-turi doirasida safarda “Valensiya” ustidan 2:1 hisobida g‘alaba qozondi.

E’tiborlisi, “qirollik klubi” o‘yinning 86-daqiqasiga qadar 1:0 hisobida ortda borayotgan edi, biroq 86-daqiqada Vinisius Junior va 88-daqiqada Karim Benzema tomonidan kiritilgan tezkor gollar evaziga Madridga 3 ochko bilan qaytadigan bo‘ldi.

Qizig‘i shundaki, “Real” joriy mavsumda kiritgan 16 ta golning 6 tasini (37,5%) 85-daqiqadan so‘ng kiritgan.

“Real” ayni damda La Liga musobaqa jadvalida 13 ochko to‘plagan holda peshqadamlik qilmoqda. Karlo Anchelotti jamoasi keyingi uchrashuvni Madridda “Malorka”ga qarshi o‘tkazadi.