“Реал” супер юлдуз масаласини қандай ҳал қилди?

“Реал” ёзги трансферлар вақтида ҳимоя чизиғини кучайтиришга қарор қилган. Мадридликлар анчадан бери “Ливерпуль” ўнг қанот ҳимоячиси Трент Александер-Арнольдни ўз сафига қўшиб олишни истаётган эди.

The Athletic нашрининг маълум қилишича, “Қироллик клуби” 26 ёшли ҳимоячи масаласини ҳал қилиб бўлган. Манбага кўра, англиялик ҳимоячига тўрт йиллик шартнома ва шартнома имзолагани учун катта миқдорда бонус ажратилади.

Испан матбуоти Трент мадридликлар билан ҳамкорлик бўйича келишувга эришгани ҳақида маълумот чиқармоқда.

“Ливерпуль” мутасаддилари эса, ҳали Трент бирорта клуб билан расмий музокарага киришмаганини таъкидлаяпти.  

Александер-Арнольднинг “Ливерпуль” билан амалдаги шартномаси 30 июнь куни якунланади. Томонлар ҳали ҳамкорликни давом эттириш бўйича келашувга эришгани йўқ.