Мадриднинг "Реал" клуби ярим ҳимоя чизиғини кучайтириш учун трансферга қўл урмоқчи.

Испан нашрлари тарқатган хабарга кўра, "қаймоқранглилар" бу борада Поль Погба вариантидан воз кечди. Карло Анчелоттига ёш, ҳарактери оғир бўлмаган футболчи керак. Погба унинг талабларига мос келмайди.

"Қироллик клуби"нинг асосий мақсади "Монако" аъзоси Орельен Чуамени бўлиб турибди. Поль эса, ўз омадини Туриндан излаб кўриши мумкин. Боиси, "Ювентус" унга кўп йиллик шартнома, юқори маош ҳамда 10-рақамни таклиф этяпти.

29 ёшли ярим ҳимоячи "Манчестер Юнайтед"ни эркин агент сифатида тарк этди. У манкунияликлар таркибига 2016 йилда айнан "кекса сеньора" сафидан келиб қўшилганди.

Фикрлар

Фикр қолдириш учун авторизациядан ўтинг!