“Реал” трансфер бозорида инқилоб қилади

Мадридликлар келаси йилги трансферлар мавсумида таркибни тубдан янгилашга қарор қилди. Зинедин Зидан трансфер бозорида инқилоб қилиб, жамоани асосан ҳамюртларини жалб қилиган ҳолда қайта шакллантиришни режалаштирмоқда.

Маълумотларга қараганда, “Қироллик клуби” келаси йил ёзда Килиан Мбаппе, Эдуардо Камавинга ва Дайот Упамеканонинг трансфери учун 250 миллион фунт ажратадиган бўлди. Мадридликлар бу футболчилар билан ҳозирдан келишиб қўймоқчи.

Шунингдек, Зидан ўз жамоаси таркибида Поль Погбани кўрмоқчи. “Манчестер Юнайтед” бу футболчини қўйиб юбориши учун мадридликлар 90 миллион фунт тикишга тайёр.

Зиданнинг режасига кўра, Мбаппе Карим Бенземанинг, Камавинга Лука Модричнинг ва Упамекано Серхио Рамоснинг ўрнини эгаллаши керак.