“Реал”: Унинг бир ўзи уч футболчига тенг

“Реал” раҳбарияти жамоанинг энг ёши катта ўйинчиси – Лука Модричнинг ўрнини боса оладиган футболчи топди. Мадридликларга “Наполи”да ўйнаётган Фабиан Руис номзоди маъқул бўлди, деб хабар бермоқда Calciomercato сайти.

“Қироллик клуби” вакиллари Руисни ёзда харид қилмоқчи. Мадридликлар Фабиан яқин келажакда жамоанинг етакчисига айланиши ва айни пайтда ёши 30 дан ўтган Лука Модрич, Тони Кроос ва Каземиронинг ўрнини босиши мумкинлигига ишонмоқда.

25 ёшли футболчи жорий мавсумда 25 та учрашувда қатнашиб, олтита гол ва учта голли пас муаллифи бўлди.