"Реал" Упамеканога 20 миллион евро тўламоқчи

"Реал" Дайо Упамеканога шартнома учун 20 миллион евро тўлашга тайёр.

2026 йил ёзида "Бавария" ҳимоячисининг шартномаси тугайди. "Bild" журналистлари Кристиан Фальк ва Тоби Альтшеффлнинг маълум қилишича, франциялик футболчи янги шартнома учун 20 миллион евро талаб қилган.

Мюнхенликлар 26 ёшли футболчига бу миқдорни тўлашни истамаяпти, аммо "Реал" каби бошқа клублар бундай таклифни беришга тайёр.

"Бавария" ҳозирча Упамекано билан шартномани узайтириш борасида эҳтиёткор оптимизмни сақлаб турибди.