"Реал" ва "Барселона" футболчилари "Ювентус"да бирга ўйнайди
Агар "Ювентус" ўз мақсадига етиб, ўзи кўзлаган футболчиларни қўлга кирита олса "Реал" аъзоси Тони Кроос ва "Барселона" вакили Иван Ракитич биргаликда Турин клуби шарафини ҳимоя қилиши мумкин. Шунингдек, Италиянинг бугунги кундаги энг кучли клуби Франция чемпионатида ПСЖ шарафини ҳимоя қилаётган Марко Верраттига ҳам қизиқиш билдирмоқда.
Бироқ трансфер оламини кузатиб бораётган мутахассислар "Ювентус"нинг орзулари ушалмаслигини таъкидламоқда. Чунки Тони Кроос яқинда "Реал" билан шартномасини 2022 йилга қадар узайтирди ва фаолиятини Мадридда давом эттиришни истамоқда. ўз навбатида Верратти ҳам ПСЖ билан 2021 йилгача янги битим тузди. Иван Ракитич эса "Барселона" билан янги келишувни расмийлаштириш арафасида турибди.
"Ювентус" раҳбарияти эса ҳамон "Манчестер Юнайтед"га ўтиб кетган Поль Погбанинг ўрнини босишга қодир ярим ҳимоячи қидирмоқда.
Фикрлар