"Реал" ва "Барселона" қизиққан футболчи АПЛ клубига ўтди

Испаниянинг "Малага" клуби ҳужумкор ярим ҳимоячиси Антонио Кордеро фаолиятини Англия Премьер-лигасида давом эттиради. 18 ёшли футболчи "Ньюкасл" шарафини ҳимоя қилади. Футболчи трансферини клуб матбоут хизмати расман эълон қилди.

Янги футболчи инглиз клубига келаси ой бошида, унинг испан клуби билан амалдаги меҳнат шартномаси якунлангач эркин агент сифатида қўшилади.

Ўтган мавсумда Кордеро 40 та ўйинда майдонга тушиб, 6 та гол ва 7 та голли узатма билан ажралиб турди. Эслатиб ўтамиз, кўплаб инсайдерлар футболчига "Реал" ва "Барса" қизиқиш билдиргани ҳақида хабарлар тарқатишган эди.

"Ньюкасл" эса, якунига етган Англия Премьер-лигаси турнир жадвалида 5-ўринни эгаллаб, УЕФА Чемпионлар Лигаси йўлланмасини қўлга киритди.