"Реал" ва "Барселона"нинг собиқ футболчиси бугунги "эл-класико"да кимнинг имконияти юқори эканини ва кимга мухлислик қилишини айтди

"Барселона" ва "Реал" клубларининг собиқ футболчиси Микаэль Лаудруп бугун бўлиб ўтадиган “эл-класико” олдидан ўз фикрларини билдириб ўтди.

"Кимга мухлислик қиламан? Менга доим шу савол берилади ва нима деб жавоб беришни билмайман. Мен данияликман... Нега мен жамоалардан бирига мухлислик қилишим керак? Бу саволни тушунмаяпман. Мен “Камп Ноу” ёки “Саньтяго Бернабеу”га келганимда, менга қадрдон бўлган одамларни қидираман.

Икки ой олдин бу энг яхши ҳолатда бўлмаган жамоалар ўртасидаги “класико” бўларди. Лекин ҳозир “Реал” ҳам, “Барселона” ҳам ўзига жуда ишонган. Бизни яхши ўйин кутяпти.

"Реал" бироз устунликка эга, чунки у ўз майдонида ўйнайди, "Барса" эса Туркияда жуда кўп куч сарфлади. У ерда улар қийин ўйин ўтказишди", - деди Лаудруп RAC1 га берган интервьюсида.