"Реал" ва "Бавария" "Челси" футболчисига кўз тиккан

"Челси" ҳимоячиси Антонио Рюдигер фаолиятини бошқа жамоа сафида давом эттириши мумкин.

Инсайдер Фабрицио Романонинг маълум қилишича, футболчи ва клуб расмийлари ўртасида шартномани узайтириш борасидаги музокаралар бир неча ойдан бери давом этмоқда. Аммо томонлар ҳалигача келишувга эриша олмаяпти.

Германиялик ҳимоячи ўз омадини бошқа жамоа таркибида синаб кўришга қарши эмас. Унинг хизматига "Реал" ва "Бавария"дан қизиқиш бор. Ҳар икки харидор уни эркин агент сифатида ўз сафига қўшиб олмоқчи.

28 ёшли Рюдигер 2017 йилдан бери "аристократлар" шарафини ҳимоя қилиб келади. Унинг трансфер нархи 35 миллион еврога тенг.