“Реал” ва “Ливерпуль” футболчи алмашмоқчи

Испания ва Англия грандларидан “Реал” ва “Ливерпуль” клублари мутасаддилари таркибни кучайтириш мақсадида ўзаро ярим ҳимоячилар алмашуви имкониятини кўриб чиқмоқда.

Гап Эдуарду Камавинга ва Алексис Макаллистер ҳақида бормоқда. TEAMtalk маълумотига кўра, мерсисайдликлар Камавингага анча вақтдан бери қизиқиб келмоқда, мадридликлар эса ярим ҳимоя чизиғини қайта қуришни режалаштирмоқда.

Шунингдек, “Реал” скаутлари “Манчестер Сити” футболчиси Родрини трансфер қилиш устида иш олиб бормоқда, аммо клуб ярим ҳимояни яна бир ўйинчи билан кучайтиришни хоҳлаяпти.

Вариантлар қаторида Макаллистердан ташқари “Челси”етакчи футболчиси Энцо Фернандес ва “Пари Сен-Жермен” юлдузи Витинья ҳам бор.

Аввалроқ журналист Флориан Плеттенберг Эдуарду Камавинга “Реал”ни тарк этишни режалаштирмаётганини маълум қилганди. Унинг шартномаси 2029 йилнинг ярмигача амал қилади.