"Реал" Виниисиусга қилинган ирқчилик масаласи бўйича прокуратурага мурожаат қилди

Мадриднинг “Реал” клуби ҳужумчиси Винисиус Жуниор якшанба оқшомида Ла Лига доирасида “Валенсия”га қарши ўйинда яна ирқчиликка дуч келди.

"Қироллик клуби" содир бўлган воқеага чидаш ниятида эмас - "қаймоқранглилар" прокуратурага мурожаат қилди. Бу ҳақда "Реал" Мадрид клуби сайти хабар бермоқда. Мадридликлар тергов ва айбдорлар жазоланишига умид қилмоқда.

Анчелотти шогирдлари сафарда "Валенсия"га минимал 0:1 ҳисобида мағлуб бўлганди. Учрашув якунида Винисиус қизил карточка олди.

Испания чемпионати якунланишига уч тур қолганида “Реал” турнир жадвалида учинчи ўринни эгаллаб турибди.