"Реал" воз кечган футболчига "Арсенал" жиддий қизиқиш билдирмоқда

“Арсенал” “Челси” клуби ҳужумчиси Кай Хаверцни сотиб олишдан умидини узмаяпти.

Таниқли журналист Фабрицио Романонинг сўзларига кўра, "канонирлар" бошлиқлари германиялик футболчи учун таклиф тайёрламоқда. Бироқ премьер-лига кумуш медали соҳиблари 75 миллион фунт стерлинглик шартномани ёпиш имкониятига эга эмас.

Эслатиб ўтамиз, 24 ёшли футболчига ёзда "Реал", "Бавария" ва "Арсенал" клублари қизиқиш билдирган эди. "Transfermarkt" портали маълумотларига кўра, "аристократлар" билан шартномаси 2025 йилда тугайдиган ҳужумчининг нархи 60 миллион еврони ташкил қилади.