“Реал” хўжайини мавсум нега барбод бўлганини айтди

Мадриднинг “Реал” клуби раҳбари Флорентино Перес 2025/2026 йилги мавсумда жамоанинг муваффақиятсиз натижалари сабаблари ҳақида фикр билдирди. Ўтган мавсумда Испания гранди бирорта ҳам соврин қўлга кирита олмаган.

- Мавсумдаги хатоларми? Мен доим айтаманки, футболда ва умуман спортда ҳар доим ҳам ғалаба қозониб бўлмайди. Биз кутилган натижаларга эриша олмадик, аммо муаммоларни аниқладик.

Жамоа клублар ўртасидаги жаҳон чемпионати сабабли мавсумолди тайёргарлигини ўтказа олмади ва бу бутун йил давомида бизга халақит берди. Мавсумнинг биринчи ярмида қарийб 30 та жароҳат кузатилди, уларнинг айримлари узоқ муддатли эди ва бу ҳал қилувчи омилга айланди.

Бу футболчилар ёки мураббийларнинг айби эмас. Барча шу ҳолатлар туфайли мақсадларимизга ета олмадик ва янги мавсум чақириқларини енгиб ўтиш учун аллақачон иш бошлаб юборганмиз, - деди Перес.

Аввалроқ, Мадриднинг “Реал” клуби президентлик сайловлари санасини эълон қилган бўлиб, улар 7 июнь, якшанба куни бўлиб ўтади.

Сайловда икки номзод иштирок этади – амалдаги президент Флорентино Перес ва испаниялик бизнесмен Энрике Рикельме.