“Реал” Холандни қачон ва қанчага олишни ҳал қилди

“Реал” жаҳон футболининг энг зўр ҳужумчиларидан бирига эга бўлмоқчи. Ўтган ёзда Килиан Мбаппени қўлга киритишга яқин келган мадридликлар франциялик футболчининг қилмишидан хафа бўлди ва келажакда у билан ҳамкорлик қилиш фикридан қайтди.

“Реал” Эрлинг Холандни олиб келмоқчи. “Қироллик клуби” норвегиялик тўпурарни 2024 йилнинг ёзида трансфер қилади. Ўша пайт Холанднинг шартномасида уни 180 миллион еврога сотиб олиш ҳуқуқини берадиган банд ишга тушади.

Унгача, мадридликлар Карим Бенземани асосий юлдуз вазифасини бажариб туришга кўндириши керак. Бунинг учун франциялик ҳужумчининг якунланаётган шартномасини яна бир мавсумга узайтиришга кўндириш кифоя.

Холанд ўтган ёз “Реал”га кўчиб ўтишга кўнмади. Мутахассислар буни норвегиялик ҳужумчи таркибда Карим Бензема борлиги билан изоҳлади. Эрлинг 60 миллион евро эвазига “Манчестер Сити”ни танлади.