“Реал” Холандни трансфер қиладиган бўляпти

“Реал” раҳбарияти “Манчестер Сити”да порлаётган Эрлинг Холандни трансфер қилиш бўйича стратегия ишлаб чиқди.

Унга кўра, мадридликлар келаси ёз Холандни безовта қилмайди. “Қироллик клуби” Холанднинг шартномасида кўрсатилган 2024 йили футболчини 180 миллион еврога сотиб олиш имконини берувчи бандга таянмоқда.

Битимдаги бу банд фақат хориж клублари учун амал қилади. Англия клублари Холандни бу нархга сотиб ололмайди. “Реал” олдида турган асосий вазифа Холандни Мадридга кўчиб ўтишга кўндириш.

Аслида норвегиялик тўпурар ёзда “Реал”га ўтишга мойил бўлганди. Лекин “Қироллик клуби” асосий нишон сифатида Килиан Мбаппени бўлгилади. Оқибатда, мадридликлар ҳар икки ўйинчидан қуруқ қолди.