"Реал" яна бир трансферни эълон қилишга яқин!

"Реал" клуби ярим ҳимоячиси Эдуардо Камавинга "Монако" футболчиси Орельен Тчуамени "қироллик клуби"га ўтиши мумкинлигини айтди. 

“Мен Тчуамени билан терма жамоа жойлашган базада учрашдим. Умид қиламанки, у яқин кунларда "Реал"га ўтади. Айни пайтда вазият қандайлигини билмайман, лекин мен Орельен билан бу ҳақида узоқ гаплашдим. Бошқа ҳеч нарса дея олмайман. Келинг, яқин кунларда нима бўлишини биргаликда кўрамиз”, - дея Камавинганинг сўзларини келтиради "Marca" нашри.

Олдинроқ "Реал" Тчуаменини учун 80+20 миллион евро таклиф қилгани ҳақида хабар берилганди.