"Real" yarim himoyachisini sotuvga qo‘ydi

"Real Madrid" yozgi transferlar oynasida o‘z futbolchisini sotishni reja qilgan.  Bu haqda TodoFichajes portali xabar berdi.

Manbaga ko‘ra, "qirollik klubi" yarim himoyachi Dani Sebalos bilan xayrlashmoqchi. 28 yoshli futbolchini "Betis" klubi jiddiy qiziqish bildirmoqda. Biroq, madridliklar Dani uchun so‘rayotgan summa "Betis" uchun qimmatlik qilishi mumkin. "Real" futbolchini 20 million evroga sotmoqchi.

Sebalosning “Real” bilan amaldagi shartnomasi 2027 yil iyun oyining oxirigacha mo‘ljallangan. Joriy La Liga mavsumida u 22 ta o‘yinda maydonga tushib, 4 marta sariq kartochka oldi.