"Реал" ёзда 2 та супер ҳужумчидан бирини сотиб олади

Мадриднинг “Реал” клуби 2 та супер ҳужумчи ўртасида танлов амалга оширмоқда. Mundo Deportivo нашри тарқатган хабарга кўра, “қироллик клуби” мавсумлар оралиғида Харри Кейн ("Тоттенхэм") ва Эрлинг Холанддан ("Боруссия Д") бирини таркибга жалб этмоқчи.

26 ёшли Кейн бу мавсум “шпорлар” сафида 25 та ўйинда майдонга тушди ва ўз ҳисобига 17 та гол ҳамда 2 та голли узатма ёздириб қўйишга эришди. Унинг айни дамдаги трансфер нархи 120 млн еврога баҳоланмоқда.

19 ёшли Холанд эса “Боруссия” сафига қишки трансферлар пайтида кўчиб ўтди ва шундан буён 11 та ўйинда 12 та гол ҳамда 2 та голли узатмага муаллифлик қилди. Унинг трансфери эса 72 млн еврога баҳоланмоқда.