"Реал" ёзда "Аякс"дан зўр футболчи олади

Мадриднинг "Реал" клуби раҳбарияти ёзги трансферлар даврида жамоа таркибини сезиларли даражада кучайтирмоқчи. Улар асосан ярим ҳимоячилар сотиб олишга эътибор қаратишмоқчи.

DefensaCentral нашрининг хабар беришича, “қироллик клуби” аллақачон бу борада ишларни бошлаб юборган. Мадридликлар “Аякс”нинг 19 ёшли ярим ҳимоячиси Райан Гравенберхни кўз остига олиб қўйишган.

Юқоридаги манбага кўра, “Реал” вакиллари айни дамда футболчининг агенти Мино Райола билан алоқага чиқишган.

Гравенберх жорий мавсум Нидерландия чемпионатида жами 18 та ўйинда майдонга тушди ва 1 та гол ҳамда 2 та голли узатмага муаллифлик қилди. Унинг “Аякс” билан амалдаги шартномаси 2023 йилга қадар имзоланган.