"Реал" ёзда футболчилар сотувидан 500 млн евро ишлаб олмоқчи

Мадриднинг “Реал” клуби яқинлашиб келаётган ёзги трансферлар даврида нафақат футболчи сотиб олиш, балки, футболчи сотишда ҳам фаол бўлади.

AS нашри тарқатган хабарга кўра “қироллик клуби” мавсумлар оралиғида Гарет Бэйл (100 млн), Тони Кроос (80 млн), Хамес Родригес (80 млн), Иско (60 млн), Матео Ковачич (50 млн), Мариано Диас (30 млн) ва Хесус Вальехо (30 млн) каби футболчиларини трансферга қўймоқчи ва бундан тахминан 500 млн евро ишлаб олишни режалаштирмоқда.

Эслатиб ўтамиз, бундан аввалроқ “Реал” раҳбарияти жамоа бошқарувига қайтган Зинедин Зиданга янги трансферлар учун 500 млн евро ажратиши ҳақида ҳам хабарлар тарқалган эди.