“Реал” ёзда оладиган тўрт футболчи номи маълум қилинди

Испаниянинг амалдаги чемпиони “Реал” жорий мавсумда юзага келаётган муаммоларни инобатга олган ҳолда, ёзда бир неча муҳим трансферларни амалга оширишни режалаштирмоқда.

AS нашрининг маълум қилишича, мадридликлар мавсум якунланганидан кейин ҳимоячи чизиғига уч нафар ва ҳужумга бир ўйинчи оладиган бўляпти.

“Реал” мутасаддилари таклиф этиладиган футболчилар рўйхатини ҳам шакллантириб қўйган. Хусусан, ҳимоя чизиғига “Ливерпуль” ўнг қанот ҳимоячиси Трент Александер-Арнольд, “Бавария” чап қанот ҳимоячиси Альфонсо Дэвис ва “Байер”нинг марказий ҳимоячиси Жонатан Тани олиб келишга уриниш бўлади.

Мадридликлар жамоанинг ҳужумкорлиги “Байер” юлдузи Флориан Вирц ёрдамида кучайтиришни мўлжаллаяпти.