“Реал” ёзда оладиган юлдузлар номи аниқ бўлди

Жорий мавсумда “Реал” бир неча позицияларда муаммога дуч келди. Хусусан, Карло Анчелотти ҳимоявий ўйин намойиш қилишда муайян қийинчиликларга рўбарў бўлди.

Шу боис, “Қироллик клуби” мутасаддилари ёзда марказий ярим ҳимоя ва ўнг қанот ҳимоясига янги ижрочиларни олишни мўлжалламоқда.

AS нашрининг ёзишича, мадридликлар ўнг қанотга “Ливерпуль” билан шартномаси тугаётган Трент Александер-Аргольдни олиб келади. Бу трансфер бўйича иш бошланган. Трент “Ливерпуль”га маош масаласида катта талаб қўйган ва шу боис клуб билан ҳамкорлиги давом эттирилмаслиги мумкин.

“Реал” майдон марказини кучайтириш учун бир неча номзодларни рўйхатга олди. Тони Кроос фаолиятини якунлаганидан кейин унинг ўрнига янги таянч ярим ҳимоячиси олишга эҳтиёж туғиляпти.

Мадридликлар бу позицияда “Бавария”дан Йозуа Киммих, “Реал Сосьедад”дан Мартин Субименди, ПСЖдан Витиньяни мўлжаллаяпти.