“Реал” юлдузи юртига қайтиб кетадиган бўляпти

Малриднинг “Реал” клуби асосий таркибига кира олмаётган аргентиналик ҳужумкор футболчи Франко Мастантуоно фаолиятини яна “Ривер Плейт”да давом эттириши мумкин.

The Athletic нашри журналисти Гильермо Райнинг хабар беришича, 18 ёшли аргентиналик футболчи ўзининг тарбия топган клубига қайтишни истамоқда. “Ривер Плейт” ҳам уни яна ўз сафида кўришга қизиқмоқда.

Манбага кўра, гап ижара шартномаси ҳақида кетмоқда. Бу вариант “Реал”ни ҳам қониқтирмоқда, чунки бош мураббий Жозе Моуриньо келаси мавсумда Мастантуонога асосий таркибдан мунтазам жой беришни режалаштирмаган ва ёш футболчининг доимий ўйин амалиётига эга бўлишини хоҳламоқда.

“Ривер Плейт”га қайтиш ҳозирча энг эҳтимолий вариантлардан бири ҳисобланади. Агар томонлар шартлар бўйича келишувга эришса, Аргентина клуби ўз тарбияланувчисини яна қабул қилишга тайёр.

Ўтган мавсум Мастантуоно “Реал” сафида барча мусобақаларда 35 та учрашувда майдонга тушиб, 3 та гол урди. Бироқ у асосий таркибдан мустаҳкам ўрин эгаллай олмади.