“Реал”да ҳам катта тозалаш бўлади

“Реал” раҳбарияти қишки трансферлар вақтида бир неча футболчи билан хайрлашишга тайёр эканини маълум қилди.

Marca нашрининг ёзишича, “Қироллик клуби” биринчи бўлиб ҳужумкор футболчи Гарет эйл ва плеймейкер Иско билан хайрлашмоқчи.

Клуб хўжайинлари агар тажрибали ҳимоячи Марсело кетишни ихтиёр этса унга рухсат беришга тайёр.

Бундан ташқари, мадридликлар Мариано Диас, Лука Йович ва Эден Азар бўйича ҳар қандай таклифларни кўриб чиқишга рози.

“Реал” январь ойида катта трансферларга қўл урмоқчи эмас. Улар ёзгача бош мураббий Карло Анчелоттига керак бўлмаган ўйинчилардан қутилиб, ёзги трансферлар даврида катта харидларни амалга оширишни режалаштирмоқда.