“Реал”да жанжал: Асенсио Анчелоттига бош кўтарди (фото)

“Реал”нинг ҳужумкор футболчиси Марко Асенсио “Мальорка”га қарши учрашувда бош мураббий Карло Анчелотти уни майдонга туширмагани учун устозига қарши бош кўтарди.

Италиялик мураббий бешта ўйинчи алмаштириш имкониятидан тўлиқ фойдаланмади ва тўртта янги футболчига ўйнаш имконини берди.

Анчелотти Асенсиони машғулотга юбориб, сўнги алмаштиришни 71-дақиқада амалга оширди ва Марко захирада қолиб кетди. Бундан хабар топган футболчи кескин норозилик билдирди, сув идишларни тепиб, кийимини захира ўриндиғига отиб юборди.

Асенсио жорий мавсумда бир марта майдонга тушиб, “Сельта”га қарши саккиз дақиқа ўйнади холос.

Баҳсдан кейин Анчелотти юзага келган вазият бўйича изоҳ берди.

- Асенсио нимадан ғазабланяпти, ўйнамаганиданми? Бу борада унинг фикрига қўшиламан ва буни ўйлаб кўраман, - деди Анчелотти.