"Реал"да уч нафар футболчи жаримага тортилди, Винисиус эса жазосиз қолди

УЕФА "Атлетико" - "Реал" ўйинида тартиб-интизомни бузган уч нафар "қаймоқранлилар" футболчисини жаримага тортди. 

Март ойи сўнггида Европа футбол ассоциацияси иттифоқи Мадрид клуби футболчилари Антонио Рюдигер, Килиан Мбаппе, Дани Себальос ва Винисиус Жуниорнинг "Атлетико"га қарши (2:1, 0:1, пенальтилар сериясида 4:2) беллашувдан кейинги ҳаракатларини ўрганишини маълум қилганди. 

Бугун УЕФА назорат ва тартиб-интизом органи Винисиусга нисбатан иш очилмаганини ва унга жазо чиқарилмаганини маълум қилди. Винисиус захирага олинганидан сўнг мухлисларга ўз клубида 15 та, уларда эса 0 та ЕЧЛ кубоги борлиги ишорасини кўрсатганди. 

"Қироллик клуби"да Рюдигер 40 минг, Мбаппе 30 минг ва Себальос 20 минг евро жаримага тортилди. Шунингдек, Мбаппе ва Рюдигер битта синов ўйини олади ва мазкур беллашувда улар интизомни қайта бузса, дисквалификация қилинади. 

Қайд этиш лозим, беллашувдан сўнг Рюдигер қуйидаги пастдаги суратда тасвирланган жести учун "Арсенал"га қарши илк беллашувдан четлатилиши мумкинлиги ҳақида ҳам хабарлар чиқаётганди: