“Реал”дан норози бўлаётган Рамос клубни тарк этади

“Реал” сардори Серхио Рамос клуб фаолиятидан норозилигини билдирди ва шартномаси якунланиши билан бошқа жамоага ўтиб кетишни режалаштирмоқда.

Унинг мадридликлар билан амалдаги битими ёзда ниҳоясига етади ва эркин агент мақомини оладиган 34 ёшли марказий ҳимоячига Европа грандларининг аксарияти ҳозирдан шартнома таклиф қилишга тайёрлиги айтилмоқда.

Рамосга клуб раҳбариятининг амалдаги шартномани фақат бир йилга узайтириш таклифи маъқул келмаяпти. Тажрибали ҳимоячи эса икки йиллик келишув талаб қиляпти.

Агар томонлар январгача келишувга эриша олмаса, Рамосга қизиқаётган клублар испаниялик тўпурар ҳимоячини бепул қўлга киритади. Даъвогарлар орасида ПСЖ ва “Ювентус”нинг имконияти баланд ҳисобланмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)