"Реал"га нималар бўлмоқда? Асосий трансфер кечиктирилди

"Реал" "Боруссия" Дортмунд ҳужумчиси Эрлинг Холанднинг трансферини 2022 йилга кечиктирди, дея ёзмоқда AS нашри.

Манбанинг хабар беришича, мадридликлар футболчининг агенти Мино Райола билан алоқалари яхшилигидан фойдаланиб, келаси йилга форвардни олиб келмоқчи. 

Аввалроқ, "қироллик клуби" 20 ёшли Холандни ушбу йилда харид қилиши, бироқ "Боруссия" футболчини яна бир мавсум ўз сафида сақлаб қолмоқчилиги ҳақида хабарлар тарқалганди.

2020/21 йилги мавсумда ҳужумчи 28та ўйинда майдонга тушиб, 27та гол урган ҳамда 8та голга ассистентлик қилган. Унинг "арилар" билан амалдаги шартномаси 2024 йилгача мўлжалланган.