“Real”:Katta transfer yaqin

“Qirollik klubi” universal himoyachi David Alaba uchun kurashda yana favoritga aylandi, deb xabar bermoqda The Athletic nashri.

Ma’lumotlarga qaraganda, madridliklar katta maosh talab qilayotgan futbolchiga u istayotgan maoshni to‘lashga rozi bo‘lgan.

Ayni paytda, “Bavariya” safida oxirgi mavsumini o‘tkazayotgan avstriyalik himoyachi yozda erkin agent sifatida har qanday jamoaga tekinga borib qo‘shilishi mumkin. Myunxenliklar Alaba transferidan muayyan miqdorda pul ishlab qolish uchun uni qishda sotib yuborishga harakat qilmoqda.