“Real”ni Ronaldu ushlab turgan ekan

“Real”ning avvalgi qudrati qolmadi. “Qirollik klubi”ning o‘yini pasayib ketganini statistik ma’lumotlar ham ko‘rsatib turibdi.

“Real” futbolchilari Ronaldu jamoadan ketganidan keyin, ya’ni ikki yil ichida Chempionlar ligasi guruh bahslarida 17 ta uchrashuvdan beshtasida mag‘lubiyat alamini totib ko‘rdi. Krishtianu o‘ynagan 9 yil davomida esa, madridliklar Chempionlar ligasining guruh bosqichidagi 54 ta uchrashuvda atigi uch marotaba imkoniyatni boy bergan.

Ronaldu “Real”da o‘ynagan davrda madridliklar 2009 yili o‘z maydonida “Milan”ga, 2012 yili Dortmundda “Borussiya”ga va 2017 yili Londonda “Tottenxem”ga yutqazgan edi.