“Реал”нинг орзуси рўёбга чиқадиган бўлди

“Реал” анчадан бери кутаётган Эдуардо Камавинга ниҳоят “Ренн”дан кетишга қарор қилди. Аввалроқ, франциялик футболчи жамоаси билан амалдаги шартномани узайтирмоқчи эди.

Яқинда 18 ёшли футболчи ўз вақтида Гарет Бэйлни “Реал”га жойлаган футбол агенти Жонатан Барнетт билан шартнома тузди ва унинг олдига қишки трансферлар мавсумида “Реал”га ўтишини таъминлашни вазифа қилиб қўйди.

“Ренн” Европа грандлари нишонида турган Камавингани узоқ ушлаб қола олмаслигини билган ҳолда уни қимматроқ нархга трансфер қилишга уринади. Айни пайтда футболчининг нархи 50-80 миллион евро ўртасида баҳоланмоқда.