"Real"ning sobiq bosh murabbiyi Messini maqtadi

"Real" Madrid klubi va Ispaniya terma jamoasi sobiq bosh murabbiyi Visente Del Boske “Barselona” hujumchisi Lionel Messini dunyoning eng zo‘r futbolchisi deb aytdi.

“Messi yoki Ronaldu? Sizga nima uchun u (Messi) dunyodagi eng yaxshisi ekanligini aytib beraman. Men buni Krishtianuni kamsitish uchun aytayotganim yo‘q.

Messi qo‘shni uyda yashaydigan ko‘chadagi bola. U biz bilan birga maydonda ko‘ngil ochadiganlardan biridir. Shuning uchun u dunyodagi eng yaxshisi”, - dedi ispaniyalik mutaxassis.

Messi faoliyati davomida “Oltin to‘p”ni 6 marta, Ronaldu esa 5 marta qo‘lga kiritgan.