“Реал”нинг Холанд трансфери бўйича сўнгги қарори ошкор бўлди

Ёзги трансферлар вақтида замонавий футболнинг энг зўр икки ҳужумчиси – Килиан Мбаппе ва Эрлинг Холандни ўз сафида бирлаштириши айтилган “Реал” мутасаддилари бу лойиҳанинг бир қисмидан воз кечди.

“Қироллик клуби” норвегиялик тўпурар учун курашдан чиқишга қарор қилди. Бу ҳақда Daily Star нашри хабар тарқатмоқда.

Манбанинг таъкидлашича, мадридликлар бор эътиборини ПСЖ ҳужумчиси Килиан Мбаппенинг трансферига қаратади. Франциялик ҳужумчи мавсум охирида эркин агентга айланади. Гарчи Мбаппе “Реал”га ўтишга мойил бўлса-да, бу масала бўйича якуний қарорга келмаган.

Париж клуби ҳам ўз етакчини кетиш фикридан қайтариш учун қўлидан келганини қилмоқда ва катта харажатларга тайёр.

Холанднинг ўзи Испания чемпионатида ўйнамоқчи. “Реал” уни олмаган тақдирда “Барселона” бор. Бироқ каталонияликларнинг молиявий аҳволи қимматбаҳо футболчининг талабларини қондиришга имкон бермаслиги мумкин.

Шуни инобатга олсак, Холанд олдида “Манчестер Сити” ва ПСЖ варианти турибди холос.