"Ренн" ҳимоячиси Жереми Жаке "Челси"га ўтишга яқин

"Ренн" жамоасининг марказий ҳимоячиси Жереми Жаке фаолиятини Англияда давом эттириши мумкин.

"Topskills Sport UK" маълумотига кўра, 20 ёшли футболчи "Ливерпуль" ва бошқа бир қатор топ-клублар қизиқишига қарамасдан, "Челси"га ўтишга қарор қилган. Ҳозирда "кўклар" ва Франция клуби ўртасида музокаралар давом этмоқда. Бироқ келишувни январь ойида якунлаш қийин деб баҳоланмоқда. Энг эҳтимолий вариантга кўра, Жаке "Челси"га ёзда қўшилади.

Жереми Жаке "Ренн" академияси тарбияланувчиси ҳисобланади. Унинг клуб билан тузган шартномаси 2029 йил 30 июнга қадар амал қилади. Жорий мавсумда ҳимоячи барча мусобақаларда 18 та учрашувда майдонга тушиб, натижавий ҳаракатлар билан ажралиб турмади.

Transfermarkt портали Жакенинг бозор қийматини 20 миллион евро деб баҳоламоқда.