Reshford “Manchester Yunayted”dan keyin qaerda to‘p tepishini aytdi

“Manchester Yunayted”ning etakchi futbolchilaridan Markus Reshford vaqti kelib, klubni tark etishi va o‘shanda qaysi jamoaga borishini aytdi.

- “Manchester Yunayted”dan ketamanmi? Men hech qachon bunday bo‘lmaydi, demaganman. Men “Real” va “Barselona” muxlisiman. Bu jamoalarda doim zo‘r ijrochilar bo‘lgan va ular juda chiroyli futbol namoyish etadi, - dedi Reshford.

Reshford joriy mavsumda Angliya premer-ligasida 37 ta uchrashuvda qatnashib, raqiblar darvozasiga 11 ta gol urdi.

Bundan tashqari, yosh futbolchi koronavirus pandemiyasi davrida bolalarni qo‘llab-quvvatlash uchun turli ijtimoiy aktsiyalar o‘tkazishi bilan ham hurmat qozongan.