Рэшфорд "Манчестер Юнайтед"ни тарк этиши мумкин!

"Манчестер Юнайтед" ҳужумчиси Маркус Рэшфорд клуби рўйхатини ўзгартириши мумкин. "Football Insider" нашри хабарига кўра, "Арсенал" 26 ёшли футболчининг хизматларига қизиқиб қолган.

Манбага кўра, "канонирлар" жорий мавсум якунланганидан кейин Рэшфордни қўлга киритишга ҳаракат қилади. Қайд этилишича, футболчининг МЮдаги келажаги сўнгги пайтлардаги Тен Хагнинг тартиб-интизоми   билан боғлиқ муаммолардан кейин ҳам сўроқ остида қолмоқда.

Аввалроқ, "қизил иблислар" қишда Маркусни сотмасликка қарор қилгани ҳақида хабар берилганди. Жорий мавсумда футболчи барча турнирларда 26та ўйинда иштирок этиб, тўртта гол урди ва олтита голли узатмани амалга оширди.