Рэшфорд "қирол Эрик"дан ўтиб кетди

"Манчестер Юнайтед" ҳужумчиси Маркус Рэшфорд Англия чемпионати 22-турида "Саутгемптон" дарвозасини ишғол қилди.

Маркус "қизил иблислар" сафида барча турнирларда голлари сонини 83 тага етказиб олди ва МЮнинг тўпурарлари рўйхатида собиқ футболчи Эрик Кантонанинг (82) натижасини ортда қолдирди.

"Кантона клуб учун кўп ишлар қилган. Унинг натижадан ўтиб кетганимдан хурсандман. Мен янада кўпроқ гол уришни хоҳлайман", - дейди Рэшфорд.

"Манчестер Юнайтед"нинг умумий тўпурарлари рўйхатини манкунианликлар собиқ сардори Уэйн Руни 253 та гол билан бошқариб турибди.