Рэшфорд шахсий рекордини янгилади

Якшанба куни АПЛ доирасида "Манчестер Юнайтед" "Олд Траффорд"да "Лестер"ни қабул қилди ва 3:0 ҳисобида ишончли ғалабага эришди. "Қизил иблислар" ҳужумчиси Маркус Рэшфорд иккала бўлимда биттадан гол урди.

Шу тариқа англиялик форвард 2022/2023 йилги мавсумда барча мусобақалардаги голлари сонини 24 тага етказиб олди: Премьер-лигада 14та, Лига кубогида 5 та, Европа лигасида 4 та ва Англия кубогида битта тўп киритган. Бу манкунианликлар футболчиси учун янги шахсий рекорддир.

Аввалроқ, Маркус учун ўйин кўрсаткичлари бўйича энг яхши натижа 2019/2020 йилги мавсум бўлиб, ўша мавсумда ҳужумчи 22 та гол урган эди.

Эслатиб ўтамиз, Эрик тен Хаг шогирдлари АПЛ турнир жадвалида 49 очко жамғарган ҳолда учинчи поғонада бормоқда.

Фикрлар

Фикр қолдириш учун авторизациядан ўтинг!