Рэшфорд яна ойнинг энг яхши футболчиси деб топилди

“Манчестер Юнайтед” клуби форварди Маркус Рэшфорд жамоанинг декабрь ойидаги энг яхши футболчиси деб топилди. Бу ҳақда клуб матбуот хизмати хабар тарқатмоқда.

Эътиборлиси, Маркус ушбу номга қаторасига 2-марта сазовор бўлмоқда.

Айтиш керакки Рэшфорд ўтган ой МЮ сафида жами 9 та учрашувда майдонга тушди ва рақиблари дарвозасига 6 та гол уришга эришди.