Рэшфорддан қойилмақом кўрсаткич (статистика)

"Манчестер Юнайтед" ҳужумчиси Маркус Рэшфорд кетма-кет 6-ўйинда гол урди.

Англиялик футболчи Англия Лига кубоги доирасида "Чарлтон"га қарши ўйиннинг (3:0) 60-дақиқасида захирадан майдонга тушди ва дубль қайд этди.

Ҳужумчининг голли серияси 21 декабрь куни "Бёрнли"га қарши ўйинда (2:0) бошланган. Жаҳон чемпионатидаги танаффусдан сўнг Рэшфорд 6 ўйинда 7 та гол ва 2 та голли узатмани амалга оширди.

Эслатиб ўтамиз, 25 ёшли ҳужумчи жорий мавсумда "қизил иблислар" сафида барча мусобақаларда жами 15 та гол урди ва бу ўтган мавсумга нисбатан 3 баробар кўп.