Ривалдо: "Реал"нинг таклифини қабул қилган бўлардим

"Барселона"нинг собиқ ҳужумчиси Ривалдо "Реал"дан таклиф бўлганида, уни қабул қилган бўларди.

“Бизнинг Роналдо билан дуэтимиз рақиблар учун даҳшатли бўлиши мумкин эди. Буни Бразилия терма жамоасида бирга ўйнаган ўйинларимиз кўрсатди. Агар бунга битта клубдаги машғулотлар қўшилса, ўзаро тушуниш ақлдан озадиган даражага етиши мумкин эди.

Агар "Реал" менга қўнғироқ қилганида, мен "Барселона"да ўйнаганим учунгина ушбу таклифни рад этмаган бўлардим. Чунки менинг “Барселона” билан муносабатларим жуда яхши эди.

"Қироллик клуби" билан шартнома имзолаш мени Луиш Фигу сингари мухлислар олдида хоинга айлантиришини тушунаман. Аммо бундай бўлмади”, - деди Ривалдо.