Ривалдо: "Винисиус ва Мбаппе келишиб олишлари керак"

"Барселона" ва Бразилия терма жамоасининг собиқ футболчиси Ривалдо Виниcиус Жуниор ва Килиан Мбаппе ўртасидаги муносабатлар ҳақида фикр билдирди.

- Баъзан Виниcиус ва Мбаппе бир-бирига тўп узатмаётгандек туюлади. Агар улар ўртасида чиндан ҳам нимадир бўлаётган бўлса, бундай ҳолат такрорланмаслиги муҳим. Бунга яхши мисол - Виниcиус Мбаппега пенальтини тепишга йўл бергани. Виниcиус "Реал"да пенальти тепишга тайинланган ўйинчи. Бироқ, бундай вазиятда улар бир-бирига ёрдам беришлари керак. Мен ҳам "Барселона"да Клюйвертга пенальти тепишга имкон берганимда шундай қилганман.

Муаммоларнинг олдини олиш учун Винисиус ва Мбаппе ўзаро келишиб олишлари керак. Иккаласи ҳам буюк клуб учун ўйнайдиган ва ягона мақсадни кўзлаган улкан футболчилардир: "Реал"ни чемпион қилиш, кўплаб унвонларни қўлга киритиш ва кўп голлар уриш, - деди Ривалдо "As" нашрига берган интервьюсида.