Роббен "Сити"га қарши баҳс олдидан: "Бавария" мени қайта сотиб олиши керак, исталган вақтда қўнғироққа жавоб бераман!"
Бугун тунда "Бавария" "Манчестер Сити"га қарши майдонга тушади. Европа чемпионлар лигаси чорак финал доирасида кечадиган ўйин олдидан мюнхенликлар собиқ футболчиси Арьен Роббен ўз фикрлари билан ўртоқлашди.
"Сити"га қарши беллашувлардан ёрқин хотиралар қолган. Бу жамоа номини кўрганимда, 2013 йил ЕЧЛда 3:1 ҳисобида ғалаба қозонганимиз эсга келади.
"Шаҳарликлар" билан 7 та ўйин ўтказганман ва уларнинг 6 тасида ғолиб бўлганман. Шундай экан, "Бавария" мени қайта сотиб олиши керак, исталган вақтда қўнғироққа жавоб бераман! (кулади).
Албатта, бу ҳазил. Ушбу ҳолатнинг имконсиз эканини ҳаммамиз яхши биламиз.
Бугун бўладиган учрашув топ ўйин, шубҳасиз. Интиқлик билан стартни кутяпман", - деди нидерландиялик собиқ футболчи.
Фикрлар