Роберт Уиттакер: "Хамзат Чимаев ўша куни гўё қиёфадоши билан алмаштириб қўйилганга ўхшарди"

Австралиялик ММА устаси Роберт Уиттакер БАА шарафини ҳимоя қилаётган Хамзат Чимаев ва америкалик Шон Стриклэнд жанги ҳақида гапирди.

"Чимаев ва Стриклэнд тўқнашувини четдан кузатган одам сифатида айтаман: мен билан жанг қилган чеченнинг верциясини ўша кеча кўрмадим. Бу дю Плессини 5 раунд назоратда ушлаган Хамзат эмасди. Бу Гилбет Бёрнсни таслим этган йигит эмасди. Чимаев ўша оқшом гўё қиёфадоши билан алмаштириб қўйилганга  ўхшарди", - деди Австралия вакили.

Эслатиб ўтамиз, Хамзат Чимаев "UFC 328" турнирида Шон Стриклэнддан очколар эвазига мағлубиятга учради.