Родри бир гап билан “Олтин тўп”га даъвогар Винисиусни ёмон ранжитди

“Манчестер Сити” ва Испания терма жамоаси ярим ҳимоячиси Родри Эрнандес 2024 йилги “Олтин тўп” соҳибига айланди.

Бироқ нуфузли индивидуал совринга Винисиус Жуниор кўпроқ лойиқ экани ҳақидаги фикр-мулоҳазалар тингани йўқ.

Кўпчилик “Реал” раҳбарияти ва УЕФА мутасаддилари ўртасидаги зиддият танловга таъсир қилганини таъкидламоқда.

Родрининг ўзи “Олтин тўп”га даъвогарлар ҳақида гапириб, Винисиус Жуниорнинг иккинчи поғонага лойиқ эмаслигини таъкидлади.

- “Олтин тўп” соҳиби танловида мен иккинчи ўринга Даниэль Карвахални қўйган бўлардим. Винисиус эса, ундан кейинги учинчи ўринда, - деди ушбу сўровномада биринчи ўринни эгаллаган Родри Эрнандес.

Аслида Винисиус Жуниор “Олтин тўп”ни олишига шу қадар ишонган эдики, расмий натижалар чиқмасидан олдин совринни нишонлашни бошлаб юборди. Бироқ сўнгги паллада нуфузли соврин Родрига топширилиши маълум қилинди. Шундан сўнг, “Реал” тақдимот маросимини бойкот қилди ва бу клубдан ҳеч ким тадбирга келмади.