Родригога Бундеслигадан ҳам таклиф бор!

"Реал" вингери Родриго фаолиятини Германия Бундеслигасида давом эттириши мумкин, дея хабар беради инсайдер Эдуардо Инда. Манбага кўра, "Бавария" бразилиялик юлдузни ўз сафига қўшиб олмоқчи.

Германия чемпиони раҳбарияти футболчининг трансфери бўйича "қироллик клуби"га расмий таклиф билан чиқишга ҳозирлик кўрмоқда. Аввалроқ матбуотда Родригони Лондоннинг “Арсенал”, “Манчестер Сити” ва “Челси” клублари ҳам сотиб олмоқчи экани ҳақида хабарлар тарқалганди.

24 ёшли футболчининг бозор қиймати 90 миллион еврога баҳоланмоқда. Родригонинг "қаймоқранглилар" билан шартномаси 2028 йилнинг ўрталарига қадар тузилган.